Beautiful Dua | Islamic Poetry in Urdu by Javed
کرم کی ہو ہم پہ نگاہ یا الہی
کرو اپنی رحمت عطا یا الہی
ہدایت کا رستہ جو تو نے بتایا
اسی پہ ہمیں بھی چلا یا الہی
تیرے ذکر میں بسر ہوں سانسیں
نہ سانسوں کو کر تو جدا یا الہی
اس کے سوا تو تمنا نہیں ہے
تو کر معاف ہر اک خطا یا الہی
ہونٹوں پہ میرے درود سجا دے
نہ کچھ اور لب پہ سجا یا الہی
رکھنا ہے مجھ کو اپنا ہی محتاج
کسی اور کا نہ بنا یا الہی
شان رحیمی شان کریمی
گناہوں پہ میرے دکھا یا الہی
نبی کی چوکھٹ کر دے مقدر
ایسے مقدر جگا یا الہی
تیری عاحزی میں نم ہوں یہ آنکھیں
یوں انکساری سکھا یا الہی
اپنے نبی کا بنا دے دیوانہ
یوں عشق کا رنگ چڑھا یا الہی
ختم کر کے میری ساری خطائیں
پھر پاس اپنے بلا یا الہی
باطن و ظاہر کی ہیں جو وبائیں
دے ان سب سے شفا یا الہی
وقت قضا بھی یہ توفیق دینا
ہو لب پہ صلی علیٰ یا الہی
تیری ثناء میں تیری رضا پہ
کروں سب کچھ میں فدا یا الہی
سجدوں میں جا کر تجھ کو مناؤں
غفلت سے مجھ کو بچا یا الہی
گمراہی میں جب کھو جاؤں
تو توفیقِ توبہ دِلا یا الہی
نبی کے صدقے نبی کا روضہ
نگاہوں کو میری دکھا یا الہی
تو دو جہاں سے بڑھ کے مہرباں
سن لے جو کی التجاہ یا الہی
قبر و حشر میں جو پہنچے جاوید
تو کرنا اسے پھر ریہا یا الہی
(New Poetry by Javed)